Madaxweynaha Puntland oo la kulmay wakiilka Midowga Yurub
-
- Posted On 08-06-2015, 04:11PM
June 8, 2015 (GO)- Madaxwaynaha Puntland Cabdiweli Maxamed Cali Gaas ayaa maanta aqalka madaxtooyada ee Garoowe ku qaabilay wafdi uu hogaaminayey Safiirka Midowga Yurub Soomaaliya u fadhiya Danjire Michele Cervone d’Urso.
Markuu uu soo dhamaaday Kulan gaar ah oo ay wada qaateen Madaxweyne Gaas iyo Danjire Cervone ayey si wadajir ah ula hadleen warbaahinta, waxana ay sharaxaad dheer ka bixiyeen qodobadii ugu muhiim sanaa oo ay kawada hadleen.
”Waxyaabo badan ayaanu kawada hadalnay oo ay kamid tahay Xiriirka Puntland iyo EU, Mashaariicda Horumarineed ee ay midowga yurub Kawadaan Puntland iyo Shaqooyin badan oo EU la qabanyso Dawladda Puntland”Ayuu yiri Madaxwayne Gaas.
Qodobadii laysla soo qaaday waxaa ugu muhiimsanaa in Midowga Yurub kordhiyo taageerada uu Puntland ka siiyo dhinacyada waxbarashada , kaabayaasha dhaqaalaha , maalgelinta wadada isku xirta Gaalkacyo iyo Garoowe, taageerada shirka wada tashiga Puntland ee dhawaan lagu wado in uu qabsoomo .
GAROWE ONLINE
