Madaxweynaha Puntland oo markale u dhoofaya wadanka dibadiisa
-
- Posted On 29-10-2016, 01:30PM
GAROWE, Puntland- Madaxweyne Gaas oo maanta hortagey aqalka Barlamanka Puntland ayaa la filayaa inuu markale maanta dalka dib uga ambabaxo isagoo la sheegey inuu ku wajahan yahay dalka Imaraadka Carabta.
Safarka Madaxweynaha Puntland oo aan horey loo shaacin ayaa wararka sheegayaan inuu ku biirayo Madaxweynayaasha maamulada Jubaland, Koonfur Galbeed iyo Galmudug kuwasoo kulan ka dalbanaya ku sugan dalka Imaraadka Carabta.
Ambabixda Madaxweyne Gaas ayaa timid kadib markii maanta Barlamanka Puntland su'aalo adag waydiiyey kuwasoo kamid ahaayeen safarada joogtada ah ee uu ugu ambabaxayo dalka dibadiisa kuwasoo kharash badan galiya misaaniyada maamulkaan.
Wararka soo socda ayaa idinku soo gudbin doonaa safarkaan.
GAROWEONLINE
