Madaxweynaha Puntland oo safar ugu ambabaxaya magaalada Galkacayo
-
- Posted On 28-06-2016, 06:08PM
GAROWE, Puntland- Wararka soo gaaraya xafiiska warsidaha Garowe Online ayaa sheegaya in Madaxweynaha Puntland maalinta berri ah 29 June, 2016 safar deg deg ugu ambabixi doono magaalada madaxda gobolka Mudug ee Galkacayo.
Safarka Madaxweynaha Puntland ayaa ku soo beegmaya xilli hay'adaha dowliga ee gobolka ka howlgala ay ragaadiyeen wadashaqeyn la'aan iyo musuqmaasuq taasoo sababtey in magaladaas si joogta ah loogu dilo dadka haldoorka ah.
Booqashada Madaxweynaha Puntland ee gobolka ayaa sidoo kale la filayaa inuu kala diro golaha degaanka Degmada Galkacayo kaasoo howlgab noqdey halka madaxda gobolka, taliska qaybta iyo Birmadka kuligood lagu eedynayo howl gudasho la'aan. Halkan ka akhriso maqaal GO ka qorey qorshahiisa golaha degaanka
Dhinaca kale Mudane Gaas ayaa tan iyo intii qaraxa lagu diley AHN xisaabiyihii wasaarada Maaliyada gobolka Mudug aan magacaabi sarkaal kale sababo aan la shaacin.
Madaxweynaha Puntland ayaa booqashadii ugu dambeysay ee ku tagey magaalada Galkacayo aheyd kadib markii dagaal khasaaro dhimasho iyo bur-bur dhaqaale keeney maamulkiisu la galey Galmudug.
GAROWEONLINE
