Madaxweynaha Puntland oo u safray Kismayo
-
- Posted On 11-09-2015, 11:11AM
11 September, 2015(GO)-Madaxweynaha Puntland Cabdiwali Maxamed Cali Gaas iyo wafdi uu hogaaminayo ayaa maanta u amba-baxay magalada Kismayo ee xarunta maamulka Jubbaland.
Safarka Gaas ayaa salka ku haya ka qayb galka caleemo saarka madaxweynaha maamulka Jubbaland Axmed Madoobe.
Qaar ka mid ah golihiisa wasiirada, Xildhibaano, Isimo iyo waxgarad ayaa ku wehelinayay safarkiisa, waxaana garoonka diyaradaha Galkacyo ku sii sagootiyay Gudoomiyaha Barlamanka Puntland iyo masuuliyiin kale.
Magalada Kismayo waxaa ku wajahan masuuliyiin kala duwan oo ka socda maamullada dalka, DFS iyo xubno ka socda beesha Caalamka kuwaasi oo ka qayb gali doona caleema saarka Madaxweynaha Jubbaland.
GAROWEONLINE
