Madaxweynaha Puntland oo xilkii ka qaadey Agaasimaha PSF
-
GAROWE ONLINE
- Posted On 24-11-2021, 10:41AM
GAROWE, Puntland - Madaxweynaha Puntland Siciid Cabdulahi Dani ayaa xilka ka qaadey Agaasimaha hay’dda PSF Maxamuud Cismaan Cabdulahi “Diana” waxaana lagu badalay Amiin Xaaji Khayr.
Maxamuud ayaa la dhashay Asad Diano oo horey xilkaan u hayey balse ka tagey shaqada isagoo u tartamey xilka Madaxweynaha Puntland doorashadda Jan 2019.
MADAXWEYNAHA OO MAGACAABAY AGAASIMAHA HAY’ADDA PSF EE CIIDANKA DOWLADDA PUNTLAND.
Garoowe: 24 November 2021: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 44 ee November 24, 2021 kuna Saabsan Magacaabid Agaasime Hay’adda PSF ee Ciidanka Dowladda Puntland.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Aqoontiisa, kartidiisa iyo waayo aragntinimadiisa Ciidanimo
Wuxuu xeeriyey:
1. Waxaa S/guuto Maxamed Amiin Cabddulahi Xaaji Khayr loo magacaabay Agaasimaha Hay’adda PSF ee Ciidanka Dowladda Puntland.
2. Xeerkani wuxuu dhaqan geleyaa markuu Madaxweynuhu saxiixo, wuuna saxiixay.
