Madaxweyne Gaas oo degmada Qardho soo gaarey
-
- Posted On 21-05-2015, 12:32PM
May 21, 2015 (GO)- Wafdi uu hoggaaminayo Madaxweynaha Puntland Cabdiweli Maxamed Cali Gaas ayaa goor dhow soo gaarey degmada Qardho ee xarunta gobolka Karkaar.
Boqollaal dadweyne ah oo ruxayey calanka Somalia, midka Puntland iyo boorar ereyo soo dhoweyn ahi ku qoran yihiin ayaa wafdiga kaga hortegey meel dhowr kiilo mitir degmada Qardho koonfurta kaga beegan.
Gaas ayaa markii uu Qardho gaarey wuxuu xarigga ka jaray waddo laami la saaray taasoo dhismaheeda ay iska kaashadeen, dowladda, bulshada Qardho iyo barnaamijka horumarinta degmooyinka ee JPLG.
Wafdiga Madaxweynaha oo ay ku jiraan xubno ka tirsan golaha wasiirrada iyo saraakiil ciidamada ah, waxaa la filayaa inay caawa seexdaan Qardho iyagoo maalinta berri ah uga sii gudbi doona dhanka magaalada Bosaso.
Muddada uu Qardho ku sugan yahay, Cabdiweli Gaas wuxuu la kulmi doonaa maamulka gobolka Karkaar, kan demada Qardho, isimmada, waxgaradka iyo qaybaha kala duwan ee bulshada.
GAROWE ONLINE
