Manhajka Waxbarashada PL oo lagu baaqay in la joojiyo
-
GAROWE ONLINE XAFIISKA MUQDISHO
- Posted On 23-09-2023, 04:19PM
GAROWE, Soomaaliya - Todobaadkii u danbeeyay waxaa si wayn usoo shaac baxay cabashada Manhajka waxbarashada ee dugsiyada sare ee Puntland.
20 bishaan golaha wasiirada ee Puntland ayaa joojisay in la dhigto maadada Taariikhda tan iyo inta dib laga saxayo khaladaadka kujira.
Maxay yihiin khaladaadku?
Qaarada jamhuuriyada federaalka Soomaaliya ayaa lagu muujiyay iyada oo gobalada SSC-Khaatumo lagu daray maamulka Somaliland iyada oo taasi ay keentay carro ka dhalatay baraha Bulshada.
Sidoo kale waxaa ay falcelin bulsho ka dhalatay Astaamo kale oo dadka ka aragti dhiibtay qaybtood ay sheegeen in ay kasoo horjeedaan Akhlaaqda bulshada iyo dhaqankooda.
Dr Mustafe Cabdiraxmaan Maxamed oo ah bare jaamacadeed ayaa soo jeediyay in gebi ahaanba manhajka la joojiyo lana xisaabtamo cida ka masuulka ah" Waxaan ku talinayaa in manhajkaan la joojiyo lana xisaabtamo cidii gabtay masuuliyadaas oo ay ugu horeeeyaan masuuliyiinta wasaarada waxbarashada".
Wasiir xigeenka waxbarashada Puntlanx, Cabdiraxmaan Yuusuf Dujaana ayaa shaqadii ka joojiyay 21 bishaan Agaasimaha waaxda Tayadhawrka ee wasaarada, Cabdulqaadir Yuusuf Nuux oo kamid ahaa saraakiisha wasaarada mudada kasoo shaqaynayay.
GAROWE ONLINE
