Mareeye rasmi ah oo loo magacaabay dekadda Garacad

Dhismaha dekada Garacad waa mashruuc maalgashi isku tashi bulsho, lana bilaaabay bishii 1aad 2016.

GAROWE, Puntland - Madaxweyne Siciid Cabdullaahi Deni, ayaa maanta soo saaray Xeer Madaxweyne Lr. 29 ee 19ka April 2022, kuna saabsan magacaabid Mareeyaha Dekadda Garacad.

Sidda laga soo xigtey wareegtadan lagu faafiyey ciwaanka Facebook-ga ee Madaxtooyadda Puntland, waxaa Cabdinaasir Biixi Soofe loo magacaabay Maareeyaha Dekadda Garacad.

HOOS KA AKHRISO BAYAANKA

MADAXWEYNAHA OO MAGACAABAY MAAREEYAHA DEKADDA GARACAD

Garoowe: 19 April 2022: Madaxweynaha Dowladda Puntland Mudane Siciid Cabdullaahi Deni, ayaa maanta soo saaray Xeer Madaxweyne Lr. 29 ee 19ka April 2022, kuna saabsan magacaabid Mareeyaha Dekadda Garacad.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Aqoontiisa iyo waayo-aragnimdiisa shaqo.

Markuu la tashaday: Madaxweyne Ku-xigeenka Dowladda Puntland.

Wuxuu xeeriyey:

1. Waxaa Cabdinaasir Biixi Soofe loo magacaabay Maareeyaha Dekadda Garacad.

Xeerkani wuxuu dhaqan geleyaa markuu Madaxweynuhu saxiixo, Wuuna saxiixay.

DHAMMAAD

XAFIISKA WARFAAFINTA MADAXTOOYADA DOWLADDA PUNTLAND.

Dekadda Garacad ayaa waxaa maalgashaday ganacsatadda Puntland. Waxaa qayb ahaan dhismaheeda la dhameystiray sanadkii lasoo dhaafay. Markabkii ugu horeeyay ayaana ku xirtey.

GAROWE ONLINE