Puntland: Moorgan oo looga guulaystay doorashada Aqalka Sare [Sawirro]
-
- Posted On 20-10-2016, 03:23PM
GAROWE, Puntland- Waxaa socota wareegga labaad doorashada Xildhibaanada ay ugu codaynayaan murashaxiinta Aqalka Sare Barlamanka Federaalka ee matalay dowladd goboleedka Puntland.
Waxaa goor dhaweyd loo codeeyay murashaxiin kala duwan oo rag iyo dumar isugu jira, waxaana Kursiga 6aad ku guulaystay Mahad Sheekh Nuur oo helay codada gaaraya 36 cod, halka ninka la tartamayay Cabdixakiim Axmed Xaashi uu helay 29 cod.
Kursiga 7aad, oo ay ku tartamayeen haweenk qura, waxaana booskaasi kusoo baxday Hodan Maxamud Cusmaan 35, halka Basra Maxamuud Geelle u codeeyeen 30 mudane.
Generaal Maxamed Siciid Moorgan oo aad loo saadilinayya inuu kusoo baxo doorashada Aqalka Sare, ayaa waayay kalsoonida Barlamanka Puntland, waxaana kursiga 8aad loo codeeyay Bootaan Barre Bootaan oo helay 38 cod, halka Morgan uu helay 27 cod.
Waxaa loo baxay salaadda Casar iyo qadar 30 daqiiqo ah dib la isugu soo laabtan doono
Natiijada markasta kala soco Garowe Online
GAROWEONLINE
