Puntland oo baaq ku aadan doorashadda maamulada u dirtay DF
-
WARIYAHA GAROWE
- Posted On 07-07-2019, 09:10PM
GAROWE, Puntland - War qoraal ah oo kasoo baxay wasaarada arrimaha gudaha Puntland ayaa looga hadlay habraaca ay xukuumada federaalka u sameysay doorashooyinka Galmudug iyo Jubbaland.
Habraacaasi ayaa wuxuu farayaa maamulka Jubbaland in doorashada ay ka qabsoonto midkood Akadeemiyada Booliska ama xarunta Qaramada Midoobay ee magaalada Kismaayo.
Hasa ahaatee, maamulka Axmed Madoobe oo ku tartarsiiyey dowladda in ay faraha kala baxdo doorashada maamulkaasi ayaa xusay in guddiga heer gobol uu maamulayo.
Sidda ku xusan war-saxaafadeedka, Puntland ayaa waxay uga digtay dowlada federaalka ah "farogelinta qaawan" ee ay ku sameyneyso cod-bixinta maamul goboleedyadaasi.
Dowladda Puntland ayaa soo jeedisay in lagu dhaqmo lana dhowro dastuurka dalka u degan, kaasoo qeexaya awoodaha maamulada iyo dowladda federaalka Soomaaliya.
Doorashada Jubbaland ayaa loo madal-san yahay in ay qabsoonto bisha Agoosto 24-keeda xili ay haatan socoto soo xulista Xildhibaanada cusub ee dooranaya gudoonka baarlamaanka iyo madaxweynaha.
WAR-SAXAAFADEEDKA
GAROWE ONLINE
