Puntland oo sheegtay inaysan aqoonsan doonin Maamulka Galmudug
-
- Posted On 25-06-2015, 03:59PM
June 25, 2015 (GO)- Dowladda Puntland ayaa maanta oo Khamiis ah shaacisay inaysan aqoonsan doonin, wax wada-shaqeyn ahna la yeelan doonin maamulka loogu magac daray Galmudug ee loo sameynayo gobollada Galguduud iyo Koonfurta Mudug.
Shirka todobaadlaha ah ee Golaha Wasiirrada Puntland ayaa maanta si weyn loogu gorfeeyey arrinta gobollada dhexe, waxaa sidoo kale lagu cambaareeyey Guddoomiyaha Baarlammaanka Soomaaliya Maxamed Sheekh Cismaan Jawaari.
Golaha Wasiirrada Puntland ayaa Jawaari ku tilmaamay inuu jebiyey shuruucda dalka islamarkaana cadeystey cadaawadda uu u hayo dadka reer Puntland, waa sida lagu sheegay war-saxaafadeed kasoo baxay Madaxtooyada Puntland.
GAROWE ONLINE
