Ra'isal Wasaaraha Soomaliya oo maanta Garowe kusoo wajahan
-
- Posted On 13-07-2015, 08:17AM
July 13, 2015 (GO)- Wafdi uu hoggaaminayo Ra'isal Wasaaraha Dowladda Federaalka Soomaaliya, Cumar Cabdirashiid Cali Sharma'arke ayaa maanta kusoo wajahan magaalo madaxda Puntland ee Garowe.
Ra'isal Wasaaraha waxaa booqashadiisa Garowe ku weheliya qaar kamid ah wasiirrada iyo xildhibaannada kasoo jeeda Puntland.
Diyaar garow xooggan oo ku aaddan soo dhoweynta wafdigaas ayaa Garowe ka socda, ammaankana si weyn ayaa loo adkeeyey.
Mudane Cabdirashiid muddo saddex maalmood ah ayuu Garowe ku sii negaan doonaa, wuxuuna la kulmi doonaa Madaxweynaha Puntland, Madaxweynaha Jubaland, isimadda iyo qaybaha kala duwan ee bulshada.
Booqashadan ayaa noqoneysa tii labaad ee Cumar Cabdirashiid Cali Sharma'arke ku yimaado Puntland, laga soo bilaabo markii xilka ra'isal wasaaraha loo soo magacaabey Dec 17, 2014.
GAROWE ONLINE
