Robab Dabaylo wata oo ka da'ay deegaanka Ceel-daahir ee gobolka Bari
-
- Posted On 05-09-2015, 11:56PM
Deegaanka Ceel-daahir oo hoos taga degmada Carmo ee gobolka Bari waxaa ka da'ay Roobab Dabaylo wata kuwaas oo waxyeeleeyey guryo tiradooda lagu qiyaasay 70 sida ay sheegeen odayaasha deegaankaasi.
Faarax Cumar Maxamed oo ka mid ah odayaasha Ceel-daahir ayaa isagoo lahadlayey saxaafada wuxuu sheegay in waxyeelo ka soo gaartey haweenay uu ku soo dumey mid ka mid ah guryaha Dabaylahani xaaladeeda caafimaadna loogu qaaday magalada Bosaso ee xarunta gobolka Bari
Dhawaan ayaa qaramada midoobay shir ay ku qabteen magaalada Muqdisho ku sheegeen inay qaar kamid ah Somalia ay ka da'i karaan Roobab Dabaylo wata iyagoo si gaar ah carabka ugu dhuftay meelaha ay maraan wabiyadda Jubba iyo Shabeelle fatahaad ay sameeyanna laga cabsi qabo.
Wakiilka Qaramada Midoobay ee Somalia Nicholas Key oo la hadlayay BBC-da ayaa sheegay inay u diyaar garoobeen hadii dhibaatadaas ay timaado sidii loola tacaali lahaayeen.
GAROWEONLINE
