Roob ka da'ay qaybo kamid ah gobolka Nugal
-
- Posted On 16-10-2016, 07:54AM
GAROWE, Puntland- Roob lagu qabowsaday islamarkaana biyo galiyay deegaano katirsan gobolka Nugal ayaa xalay da'ay.
Xiriiro war-sidaha Garowe Online, la sameeyay degmooyin kamid ah gobolka Nugal, waxay sheegeen in tuulooyinka qaybtood biyo galeen islamarkaana xaaladu maanta tahay mid aad u wanaagsan.
Meelaha Roobsaday qaybtood, horay waxaa uga jiray abaar laxaad leh.
Guddoomiyaha degmada Godob-Jiraan Yusuf Geesaweyne oo la hadlay GO, ayaa xusay in toolooyin badan oo hoostaga degmadaasi saaka xareedu warantahay.
Wuxuu xusay inuu la hadlay deegaanada qaybtood, inkastoo uusan tilmaamay magacyada meela deeqa Alle helay.
Magaalada Garowe, iyadana waxaa qabtay qabowsin fiican, inkastoo todobaadkii hore Roob fiican qabtay.
Deegaano kale oo ku dhow ayaa sidoo kale lagusoo waramayaa inay roobsadeen.
Curashada Dayrta, ayaa kusoo beegmaysa xilli abaar laxaad leh ka jirto qaybo kamid ah deegaanada Puntland, waxaana dhawaan dowladdu iclaamisay gurmad deg deg ah.
GAROWEONLINE
