Taliye cusub oo loo magacaabay booliska Puntland
-
WARIYAHA GAROWE GAROWE ONLINE
- Posted On 01-11-2021, 07:27PM
GAROWE, Puntland - Madaxweyne Siciid Cabdullaahi Deni ayaa Taliyaha Ciidanka Booliska Dowladda Puntland wuxuu u magacaabay Sareeye Guuto Maxamed Cali Xaashi.
Xaashi ayaa badalaya Cabdi Yare oo horay u soo noqdey madaxa hay'adda mukhaabaraadka dowladda Puntland.
Sidoo kale, Xaashi ayaa tan iyo dowladdii Cabdiraxmaan Faroole wuxuu ahaa taliyaha ciidamadda booliska dekadda Boosaaso.
MADAXWEYNAHA OO MAGACAABAY TALIYAHA CIIDAMADA BOOLISKA PUNTLAND.
Garoowe: 01 November 2021: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 32 ee 1-da November 2021 kuna saabsan magacaabid Taliyaha Ciidanka Booliska Dowladda Puntland.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Baahida loo qabo Dar-dar gelinta Amniga.
Markuu la tashtay: Madaxweyne Ku-xigeenka Dowladda Puntland.
Markuu Tixgeliyey: Aqoontiisa, kartiisa iyo waayo-aragnimadiisa Ciidannimo.
Wuxuu xeeriyey:
1. Waxaa S/Guuto Maxamed Cali Xaashi loo magacaabay Taliyaha Ciidanka Booliska Dowladda Puntland.
*Xeerkani wuxuu dhaqan gelayaa markuu Madaxweynuhu saxiixo, Wuuna saxiixay
DHAMMAAD
XAFIISKA WARFAAFINTA MADAXTOOYADA DOWLADDA PUNTLAND
Isbedelkan ayaa kusoo aadaya xilli lagu wado in dowladda Puntland ay maalmaha soo aadan bilowdo doorashooyinka Aqalka Hoose taasoo ka dhaceysa magaalooyinka Boosaaso iyo Garowe.
