Wafti ka socda dalka Jarmalka oo gaarey magaalada Bosaso
-
- Posted On 23-08-2015, 10:33PM
Wafdi balaaran oo uu hogaaminayey safiir ku xigeenka dalka Jermalka ee Somalia Christain Resch, ayaa soo gaaray magaaladda Boosaso ee xarunta ganacsiga Puntland.
Waxaa kaloo wafdigan kamid ah madaxa WFP ee Somalia Mr. Laurent Bukera oo isagannu oo kamid ah xubnaha yimi Bosaso.
Wasiirka dekadaha Gaadiidka badda ee Puntland Cabdullaahi Jaamac Saalax oo saxaafadda la hadlay ayaa sheegay in wafdiga soo gaaray Bosaso maalinta ayna xariga ka jari doonaan mashruuc ay ka fuliyeen saldhiga weyn ee magaalada Bosaso.
Madaxweynaha Puntland ayaa warar Garowe Online soo gaaraya sheegayaan iney u suurtoobi waydey inuu tago magaalada Boosaso si uu ula kulmi waftigaan iyo kuwa kale oo imaanaya maalmaha soo socda madaama booqasho shaqo ku joogo Galkacayo.
Madaxdaan kala duwan ayaa la filayaa iney booqdaan xarumo dhowr ah oo ku yaalla magaaladda Boosaso, sidoo kale waxey booqan doonaan xarunta dadka qaxootiga ah ee ka soo barakacay dagaaladda dalka Yemen.
GAROWEONLINE
