Al-Shabaab oo badashay xeelada weerarada ka fulisay Soomaaliya

Marka loo eego xogta amniga Soomaaliya, Al-Shabaab ayaa haysata ilaa 10,000 oo dagaalyahan oo ku sugan Soomaaliya iyo Kenya.

MUQDISHO, Soomaaliya – Kooxda Al-Shabaab ee Soomaaliya ayaa sii kordhisay “ku dhiiranaanta” weerarada waxayna kordhiyeen adeegsiga is-qarxinta iyaga oo xiran walxaha qarxa ee guryaha lagu sameeyo taasoo ay khubarada ammaanku ugu yeereen "isbeddelka xeeladaha."

Kooxdaan xagjirka ah ayaa qaaday mid ka mid ah weeraradii ugu khasaaraha badnaa Arbacadii, iyaga oo bartilmaameedsaday xarunta loo ilaaliyo oo ay ku taalo madaxtooyada gobolka ee magaalada Beledweyne oo qiyaastii 300 KM dhanka waqooyi ka xigta magaalada Muqdisho. Afartan iyo siddeed qof ayaa la dilay, in ka badan 100 kalena waa la dilay dhaawacmay.

Dadka dhintay waxaa ka mid ah Xildhibaanad Aamina Maxamed oo aad u dhaliili jirtay dowladda, waxayna ku jirtay ololaheed dib u  doorashadeeda.

Saacado ka hor ayay ahayd markii laba nin oo ka tirsan Al-Shabaab ay weerar ku qaadeen xerada Xalane oo si weyn loo ilaaliyo ee garoonka diyaaradaha ee magaalada Muqdisho, halkaasoo ay ka dhaceyso doorashada madaxweynaha oo loo qorsheeyay in la qabto. Xafiisyada Q.Midoobe, safaaradaha reer galbeedka, iyo howlgalka nabad ilaalinta Midowga Afrika ayaa dagan xeradaan.

In ka badan toban sano, Al-Shabaab ayaa Muqdisho kula dagaalamaysay dowladda Soomaaliya ee ay Qaramada Midoobay taageerto, iyo xilliyadii ay rabshaduhu ka wadeen magaalada Muqdisho. Kooxda ayaa  adeegsatay xeelado kala duwan oo ay ka mid yihiin caga-jugleyn iyo adeegsiga gacan ka hadal.

Balse bilihii la soo dhaafay Al-Shabaab ayaa kordhisay weerarada ay shaqsiyaadka is qarxinta ah iyaga oo beegsanaya bartilmaameedyo ay doorteen oo si sax ah loogu gaysanayo khasaaraha ugu badan ee suurtagalka ah, sida ay laanta afka Soomaaliga ee VOA u sheegeen khubaro dhanka ammaanka ah.

Bishii November ee sanadkii hore ayay aheyd markii weerar ismiidaamin ah lagu dilay C/casiis Maxamuud Guuleed oo ka mid ahaa dadka dhaliila Al-Shabaab.

Bishii Janaayo 2022, afhayeenka xukumadda sidoo kale xildhibaan Maxamed Ibraahim Macalimuu ayaa sidan oo kale ka badbaaday weerar uu ku qaaday gaarigiisa nin soo xirtay qarax ismiidaamin ah. Maleeshiyaadka ayaa sidoo kale dhowr weerar oo is miidaamin ah fuliyay.

"Marka, tani waxay muujinaysaa beddelka xeeladaha isticmaalka gaadiidka iyo weerarrada hubaysan oo loo beddelay kuwo is-qarxiya," ayuu yiri taliyihii hore Hay’adda Nabad Suggida & Sirdoonka Qaranka (NISA), C/laahi Maxamed Cali Sanbaloolshe.

Agaasime ku xigeenkii hore ee NISA C/salaan Guuleed ayaa sheegay in marka mid ka mid ah xeeladaha kooxda ay fashilmaan ay mar walba la yimaadaan mid kale.

"hada Ka hor, kooxdu waxay u adeegsadeen weerarada rag hubeysan oo weerar ku qaaday saldhigyada ciidamada, xafiisyada dowladda, hoteellada, maqaayadaha, miinooyinka waddooyinka hareeraheeda ah. toogashada gaadmada ah, sida jabhadda, iyo kuwo kale. Laakin hadda sidii loo sugi lahaa xarumaha muhiimka ah ee dowladda iyo ciidamada Si loo xoojiyay, waxay adeegsadaan qaraxyo badan oo ku xiran jaakada ismiidaamiyaha ee gaysanay weerarada baaxda wayn leh,” ayuu yiri Guuleed.

Taliye ku xigeenkii hore ee NISA Ismaaciil Cismaan ayaa aaminsan in kooxda ay hadda heshay dhaqaale ka badan keedii hore kana xoog iyo awood badantahay, taas oo keenaysa in ay ku fakarto soo iibsashada hubka iyo qalab bambaanooyin.

“Kooxdu waxay malaayiin doollar oo dakhli ah ka heshaa canshuuraha ay ka qaadaan dhammaan dhinacyada dhaqaalaha Soomaaliya, oo ay ku jiraan lacagaha ay bixiyaan.

Marka loo eego xogta amniga Soomaaliya, Al-Shabaab ayaa haysata ilaa 10,000 oo dagaalyahan oo ku sugan Soomaaliya iyo qeybo ka mid ah Kenya.

Dedaalka Soomaaliya ee dhanka amniga iyo dagaalka ka dhanka ah Al-Shabaab ayaa inta badan ku tiirsanaa taageerada ay Qaramada Midoobay taageerto howlgalka Midowga Afrika ee Soomaaliya, iyo taageerada militari ee xaddidan ee ay bixiso Qaramada Midoobay.

Sida laga soo xigtay saraakiil ka tirsan militariga Soomaaliya, ciidamada Mareykanka ayaa si aad ah wax ugu ool u ah hoos u dhigay awoodda iyo dhaqdhaqaaqa Al-Shabaab. iyadoo duqaymo xagga cirka ah oo ay iskaashanayaan ciidamada xoogga dalka Soomaaliyeed. Balse ciidamada Mareykanka ayaa ka baxay Soomaaliya sanadka 2021-ka.

Saraakiisha ayaa sheegay in walaaca amni uu si aad ah u sii kordhayay iyadoo nidaamka siyaasadeed ee jilicsan ee dalka uu la tacaalayay dhameystirka hannaankii doorashada oo dib u dhacay iyada oo iska hor imaadyada kooxda ay yihiin kuwa joogto ah.

Guuleed ayaa sheegay in ka bixitaanka ciidamada Mareykanka ee Soomaaliya ay sababtay in duqeymaha ka dhanka ah Al Shabaab ay joogsadeen taas oo keentay in ay helaan xoriyada ay ku dhex maraan dalka oo dhan si dagana u qorsheeyaan weeraradooda.

GAROWE ONLINE