Dagaal xoogan oo ka soconaya meel 60km Kismaayo u jirta
-
- Posted On 25-10-2014, 04:01PM
October 25, 2014 (GO)- Dagaal xooggan oo u dhexeeya ciidamada Jubaland iyo kuwa AMISOM oo isku dhinac ah iyo Al-shabab ayaa xiligan ka socda inta u dhaxeysa tuulada Cabdalla Biroole iyo deegaanka Buula-Xaaji.
Dagaalka ayaa bilowday labo saac kahor kadib markii markii Al-shabab soo weerartay fariisimo ciidamada huwantu ka samaysteen Biroole oo 60 km Kismayo u jirto.
Dagaalka ayaa ka socda dhulka miyiga ee u dhaxeeyo labada tuulo lamana ogaan karo qasaaraha dhabta ah ee ka dhashay dagaalka haseyeeshee ciidamada maamulka Jubba iyo kuwa AMISOM oo ku wajahan qabsashada Buullo-Xaaji ayuu dagaalka ku qabsaday dhulka miyiga. Saraakiil ka mida kuwa Jubbaland ayaa sheegaya in diyaaradaha Kenya ay ka caawinayaan dagaalka.
Dagaalka ayaa yimid kaddib markii Shabaab laga qabsaday mudo ku dhow 24 saacadood dhowr deegan oo ay haysteen.
GAROWE ONLINE
