Diyaarad Xamuul ah oo ku Dhacday Koonfurta Muqdisho

MUQDISHO, Soomaaliya - Diyaarad xamuul ah ayaa ku dhacday qiyaastii 13 kiiloomitir meel uga beegan koonfurta Muqdisho fiidnimadii Sabtida caawa, sida ay sheegeen dad goobta u dhow.

Diyaaradda, oo ah DHC-5 oo lambarka diiwaangelinteedu yahay 5Y-RPA, ayaa ahayd mid ay saarnaayeen dhowr qof oo shaqaale ah, waxaana ay ka timid magaalada Dhobley ee ku dhow xuduuda Kenya, iyadoo u socotay caasimadda Soomaaliya markii ay dhacday.

Diyaaraddu waxaa soo wajahay cilado farsamo kahor inta aysan kasoo duulin Dhobley, balse arrimahaas ayaa la sheegay in la xalliyay, sida uu sheegay ilo xog-ogaal ah.

Waxaa saarnaa 4 illaa 5 xubnood oo dhammaantood la sheegay inay yihiin muwaadiniin Kenyan ah.

GAROWE ONLINE