Fiqi oo u hanjabay danjireyaasha dalalka caalamka u fadhiya Soomaaliya

Wasiirka arrimaha dibadda Soomaaliya ayaa hadalkan ka sheegay magaaladda Muqdisho.

MUQDISHO, Soomaaliya - Wasiirka arrimaha dibadda xukuumadda federaalka, Axmed Macalin Fiqi, ayaa sheegay in qaar ka mid ah diblumaasiyiinta caalamiga ah ee ku sugan Soomaaliya ay ku xad gudbeen madax banaanida iyo midnimada dalka, wasaaradduna ay dhawaan u yeeri doonto.

Hadalka Wasiirka ayaa ku soo aadaya iyadoo dhowr jeer oo hore ay dhaceen Dublamaasiyiin Shisheeye, oo ay ka mid yihiin kulamo aan la fasaxin oo uu la yeeshay Madaxda Maamul Goboleedyada iyo faragelinta lagu eedeeyay arrimaha gudaha ee dalka.

Sida laga soo xigtay ilo wareedyo ka tirsan Wasaaradda, falalkan ayaa loo arkay inay yihiin kuwo ka dhan ah danaha qaranka Soomaaliya, waxayna caro badan ka dhex dhalisay shacabka Soomaaliyeed.

Wasaaradda ayaa durba bilowday inay dib u eegis ku sameyso warqadaha aqoonsiga diblomaasiyiinta ay khuseyso, waxaana la filayaa in maalmaha soo socda si rasmi ah loogu yeero.

Arintan ayaa dood kulul ka dhex dhalisay Soomaalida dhexdeeda, iyadoo qaar badan oo ka mid ah ay baraha bulshada ku soo bandhigeen sida ay u taageersan yihiin mowqifka dowladda.

Dhanka kale, beesha caalamka ayaa si deg deg ah uga jawaabtay, iyadoo dalal dhowr ah ay soo saareen bayaan ay ku dalbanayaan in la xakameeyo iyo diblumaasiyadda.

Sida ay xaaladdu u dhacayso, waxa isha lagu wada hayaa wasaaradda arrimaha dibadda si ay u maarayso arrintan cakiran ee xasaasiga ah. Mid baa cad, si kastaba ha ahaatee, Soomaaliya ka laaban mayso in ay madax-bannaanideeda iyo midnimadeeda sheegato, caalamkuna wuu dareensan yahay.

GAROWE ONLINE