Hay'adda ICAO oo DF ku wareejisey maamulka hawada Soomaaliya
-
- Posted On 17-12-2014, 12:22PM
December 17, 2014 (GO)- Dowlada Federaalka Soomaaliya ayaa ku guuleysatey inay si buuxda ula soo wareegto maamulka hawada dalka oo mudo labaatan sano ka badan dibadda laga maamulayey.
Wasiirka Gaadiidka iyo Duulista Hawada Siciid Jaamac Qoorsheel oo maanta dib ugu soo laabtay Muqdisho ayaa shaaciyey in Soomaaliya si rasmi hadda wixii ka dambeeya hawadeeda mas'uul uga noqon doonto.
Qoorsheel ayaa sheegay in heshiiska wareejinta hawada kala saxiixdeen dowladda federaalka iyo madaxda hay'adda caalamiga ah ee duulimaadyada rayidka (ICAO), taasoo muddo labaatan sano ka badan soo maamulaysey hawada Soomaaliya.
Guul iyo tallaabo horay loo qaaday ayuu ku tilmaamay maadaama hada wixii ka dambeeya Dowlada Federaalku awood u yaalan doonto inay cashuurto boqollaalka duulimaad ee asbuuc walba hawadeeda mara.
Somaliland oo sheegtay inay ka go'day Soomaaliya inteeda kale ayaa horay uga biyo diidey in hawada dalka laga maamulo magaalada Muqdisho.
GAROWE ONLINE
