Kheyre: Xasan Sheekh waa inuu joojiyaa doorashadda macmalka ah ee uu ku riyoonayo

Image

Muqdisho – Ra’iisul Wasaarihii hore ee Soomaaliya, Xasan Cali Kheyre, ayaa si kulul u cambaareeyay falal uu ku tilmaamay xadgudubyo, cabsi-gelin, iyo qafaal lagu hayo shacabka degmada Kaxda ee Gobolka Banaadir, kuwaas oo uu sheegay in ay dowladda Federaalka ku waddo si qasab ah loogu diiwaangeliyo doorashooyin uu ku tilmaamay "macmal ah" oo uu sheegay in uu ku riyoonayo Madaxweynaha Soomaaliya Xasan Sheekh Maxamuud.

Kheyre ayaa sheegay in tallaabooyinka laga fulinayo goobaha waxbarashada, ganacsiyada, iyo suuqyada degmada Kaxda ay yihiin "iskuday gurracan" oo baal marsan xuquuqda muwaadiniinta, nidaamka dowladnimo, dastuurka dalka iyo xeerarka caalamiga ah. Waxa uu si gaar ah uga digay in ciidamada amniga loo adeegsado cabsi gelin iyo qafaal shacabka ah, arrintaas oo uu ku sifeeyay "ayaandarro qaran".

"Waxaan Madaxweyne Xasan Sheekh ugu baaqayaa inuu si degdeg ah uga laabto amarka uu bixiyay ee lagu caburinayo dadweynaha degmada Kaxda," ayuu yiri Kheyre. "Waa in uu joojiyaa doorashada aan heshiiska lagu ahayn ee uu ku riyoonayo, taas oo halis gelin karta midnimada, wadajirka ummadda, iyo xasilloonida dalka."

Hadalkan ayaa imaanaya xilli muran iyo dhaliilo xooggan ay ka taagan yihiin hannaan doorasho oo dowladda Federaalka ay wado, iyadoo mucaaradku ay ku eedeeyeen madaxweyne Xasan Sheekh in uu ku tallaabsanayo tallaabooyin halis ku ah kalsoonida shacabka iyo dowladnimada dalka.

GAROWE ONLINE

Related Articles

Soomaaliya: Dagaal ka ku socda Deegaanno Hoostaga Moqokori

Saraakiil amni ayaa sheegay in ujeedada howlgalka ay tahay in la jebiyo isku-day kasta oo kooxda Al-Shabaab.

  • Soomaliya

    05-07-2025

  • 01:05PM

Dowladda Soomaaliya oo Taageero Dhaqaale u raadinaysa Howlgalka AUSSOM

Howlgallada Midowga Afrika ayaa noqday ku fashil ah oo aan kasoo bixin natiijo wanaagsan, maadaama Al-Shabaab wali awood leedahay.

  • Soomaliya

    05-07-2025

  • 12:55PM