Kismaayo: shan askari oo galabta shil gaari ku geeriyoodey
-
- Posted On 15-11-2014, 04:50PM
November 15, 2014 (GO)- Gaari nooca dagaalka ah oo ciidamada Maamulka Jubaland leeyihiin oo ka soo ambabaxay tuulada Buulla Gaduud ayaa galabta ku rogmaday dalcada Lug-loow oo Kismaayo u jirto 18 Km dhanka waqooyi.
Wararka ku soo dhacaya warqabadka GO ee Kismaayo ayaa sheegaya in shan askari shilkaas ku geeriyoodeen sagaal kalena ay ku dhaawacmeen.
Asarkata dhaawaca ah oo xiligan lagu dabiibayo xarumaha caafimaadka ee magaalada Kismaayo waxaa ku jira qaar xaaladoodu halis tahay.
Dhanka kale waxaa socda qorshe ku aadan sidii dhaawacyada qaarkood loogu soo qaadi lahaa magaalada Gaalkacayo ee xarunta gobolka Mudug.
Sanad walba tiro gaadiid ah ayaa ku rogmada dalcadda Luglow maadaama ay tahay mid joog ahaan dhulka aad uga dheer.
GAROWE ONLINE
