Mareykanka oo ka qeyb-galay howlgal ka dhacay Gobolka Shabeellaha Dhexe

Image

MOGADISHU, Soomaaliya – Wasaaradda Warfaafinta Soomaaliya ayaa sheegtay in ciidamada Soomaaliya iyo AFRICOM ay wadajir u fuliyeen hawlgal guul leh oo ka dhacay gobolka Shabeellaha Dhexe, kaasoo lagu beegsaday Al-Shabaab.

Howlgalka ayaa lagu dilay xubno ka tirsan Al-Shabaab oo ka qeyb qaatay dagaalkii deegaanada gobolka ka dhacay, gaar ahaan Tuulada Alkowthar iyo kuwa hoostaga.

Warsaxaafadeedka ayaa lagu yiri: "Ciidanka Qaranka Soomaaliya iyo AFRICOM waxay si wadajir ah u fuliyeen duqeyn waxtar leh oo lagu burburiyay cadowga argagixisada ee ku hungoobay weeraradii hore, waxaana lagu jabiyay dagaalkii ka dhacay Alkowthar."

Duqeynta ayaa si gaar ah loogu beegsaday xubno katirsan Al-Shabaab xili ay weerar ka fulinayeen goobo Ciidamada dowladda ku sugan yihiin, oo Shabeellaha Dhexe kamid ah, iyadoo weerarada ay ahaayeen kuwa culus, oo dhowr jiho ah.

Wasaaradda Warfaafinta ayaa sidoo kale caddeysay in qiimeynta khasaaraha ay sii socoto, iyadoo la sheegay in shacabka Soomaaliyeed la wargelin doono wixii kasoo kordha, iyo halka ay marayso xaaladda.

Wasaaradda ayaa xustay in Dowladda Federaalka Soomaaliya iyo saaxiibada caalamiga ah, oo ay ka mid yihiin AFRICOM, ay ka go'an tahay xoojinta wada shaqaynta lagu ciribtirayo kooxaha argagixisada, si loo xaqiijiyo nabadda iyo xasilloonida dalka iyo gobolka.

GAROWE ONLINE

Related Articles

Turkiga oo Ciidamo usoo diray Soomaaliya kadib codsi Xasan Sheekh u diray Erdogan

Turkiga ayaa heshiisyo shidaal baaris iyo kuwa ku ilaalinayo badda Soomaaliya la galay dowladda Soomaaliya.

  • Soomaliya

    21-04-2025

  • 12:14PM

Soomaaliya: Xasan Sheekh oo shir deg-deg ah ku qabtay Madaxtooyada

Kulankan ayaa yimid xilli ay xaalado amni oo adag ka taagan yihiin qaar ka mid ah gobollada dalka, iyadoo dagaallo culus.

  • Soomaliya

    21-04-2025

  • 07:30AM