Soomaaliya: Duqeyn cirka oo ka dhacday duleedka Kismaayo

Image

MUQDISHO - Ugu yaraan 10 xubnood oo ka tirsan Al-Shabaab ayaa lagu dilay howlgal ay si wadajir ah u fuliyeen Ciidamada Kumaandooska Soomaaliya iyo kuwa Mareykanka kaasoo ka dhacay deegaanka Beerxaani oo qiyaastii 35 KM dhanka waqooyi galbeed kaga beegan magaalada Kismaayo.

Howlgalka ayaa lagu bartilmaameedsaday koox ka tirsan Al-Shabaab oo qorsheynayay weerar ay ku qaadaan deegaankaasi, iyadoo warar horudhac ah ay xaqiijinayaan in 10 ka tirsan kooxda lagu dilay goobta la duqeeyay, iyadoo aan la ogeyn khasaaraha soo gaaray dadka rayidka ah.

Sarkaal katirsan Ciidanka ayaa sheegay in howlgalkan uu hoosta ka xariiqayo sida ay uga go’an tahay Ciidanka Xoogga Dalka Soomaaliyeed, iyagoo kaashanaya saaxiibada caalamka, si looga adkaado Al-Shabaab loogana hortago weerarada ay ka fulinayso dalka.

Tallaabooyinka noocan oo kale ah ayaa muujinaya dadaallada lagu xaqiijinayo nabadda iyo xasilloonida Soomaaliya, oo mudoka badan 30 sano colaado kusoo jiray.

GAROWE ONLINE

Related Articles

Jeneraal Odowaa Yuusuf Raage oo Is casilaya Kadib Fashilkii Aadan Yabaal 

Al-Shabaab ayaa sheegtay inay qabsatay 10 saldhig oo milatari ah, halka saraakiisha dowladda ay sheegeen inay iska difaaceen weerarada Kooxda.

  • Soomaliya

    21-04-2025

  • 05:58AM

Cirro: Booqashada Xamse ee Laascanood waa "Weerar" Ka Dhan ah Somaliland

Si kastaba ha ahaatee, madaxda Somaliland ayaa si joogto ah uga digaya in Soomaaliya ay si toos ah u faragelisay arrimaha gudaha ee Somaliland.

  • Soomaliya

    20-04-2025

  • 09:24AM