Soomaaliya: Muwaadiniin Itoobiyaan ah oo Daacish katirsan oo lagu qabtay Calmiskaad

BOOSAASO, Soomaaliya - Saddex nin oo kasoo jeeda Oromada ee Itoobiya, kana tirsan kooxda ISIS, ayaa isku isdhiibay Ciidamada Puntland ee ku sugan Buuraha Cal-Miskaad Axadii, sida uu sheegay afhayeenka Ciidanka.

Nimankaas ayaa u tagay dadka deegaanka ee ku nool Buuraha Al-Khalifa, iyagoo sheegay in ay ka baxsadeen kooxda ISIS ayna doonayaan in ay isdhiibaan.

Jeneral Maxamuud Maxamed Axmed (Faadhigo), afhayeenka hawlgallada, ayaa sheegay in nimankaasi ay u muuqdaan in ay xoog lagu qasbay in ay ku biiraan ISIS, islamarkaana ay fursad u heleen in ay ka baxsadaan. Waxaa lagu wareejiyey degmada Buruc, waxaana loo qaaday Boosaaso si ay u baaraan hay’adaha dambi-baarista.

Wuxuu sidoo kale xaqiijiyey in deegaanada muhiimka ah ee laga saarey ISIS ee ku yaala Buuraha Cal-Miskaad la xaqiijiyay amnigooda kadib duqeymo ay sameeyeen xulafada caalamiga ah. Goobihii hore ee ay ISIS ku sugneyd ayaa laga helay xabaalo oo loo maleynayo in ay ku jiraan maydadka dagaalyahannada ISIS.

Jeneral Faadhigo ayaa intaas ku daray in xubnaha ISIS ee ku sugnaa deegaanka Togga Miraale ay baxsadeen oo ay ku jiraan dhuumaalaysi. Ciidamada ayaa ku raadjoogga oo raadinaya, waxaana la filayaa in howlgalka Hilaac lasoo gaba-gabeeyo dhawaan.

Dagaalyahano ajaaniib ah oo kasoo jeeda qaarkooda Yemen, Itoobiya, Tanzania, Tunisia, Morocco, Sacuudiga iyo dalal kale ayaa lagu dilay howlgalka, taasoo muujinaysa in Daacish ay isaga timid daafaha caalamka si ay saldhig uga dhigato Puntland.

GAROWE ONLINE