Xamse oo amar kasoo saarey goobo dan guud ay shacab dagan yihiin

Image
Ra'iisul Wasaare Xamse Cabdi Barre ayaa Isniinta maanta ah waxa uu daahfuray imtixaanka shaqaaleysiinta saddex kun oo Macallin .

MUQDISHO, Soomaaliya - Ra'iisul Wasaare Xamse Cabdi Barre ayaa Isniinta maanta ah waxa uu daahfuray imtixaanka shaqaaleysiinta saddex kun oo Macallin oo ay qaadaneyso Wasaaradda Waxbarashada, Hiddaha iyo Tacliinta Sare.

Xamse oo kormeerey goobaha lagu qaadayo imtixaanka oo ay kamid tahay Jaamacadda Ummadda Soomaaliyeed, ayaa guul taariikhi ah ku tilmaamay in wasaaraddu shaqaaleyso tiro intaan le'eg oo macallimiin ah.

Wasiirka koowaad ayaa xusay in xukuumaddiisa Dan-Qaran ay ahmiyadda koowaad siineyso sidii canshuurta laga qaado dadka Soomaaliyeed dib loogu celin lahaa, si fursad waxbarasho loo siiyo saddex Milyan oo carruur Soomaaliyeed, kuwaas oo gaaray da'dii waxbarasho.

Wasaaradda Waxbarashada oo hormuud u ahayd qabsoomidda Imtixaanka ayuu Ra'iisul Wasaaruhu uga mahadceliyey dadaalkooda, gaar ahaan dib-u-eegista hannaanka waxbarashada dalka.

Imtixaanka Wasaaradda Waxbarashada, Hiddaha iyo Tacliinta Sare oo ka kala dhacaya 22 goobood oo ku yaal 11 magaalo oo dalka ah ayaa waxaa u fariistay 8 kun macallin.

Dhanka kale, Xamse ayaa ugu baaqay shacabka degan goobihii waxbarashada dalka guud ahaan in ay banneeyaan, si loogu adeeggo ubadka Soomaaliyeed hay'adaha amniga iyo wasaaradda waxbarashadana iska kaashaadaan soo celinta goobahaasi.

GAROWE ONLINE

Related Articles

Hay’adda Hormuud Salaam Foundation oo Daah-furtay Barnaamijka Taakuleynta Bisha Ramadan

Dr. Xabeeb ayaa ka mahadceliyay Deeqda ay soo gaarsiisay Hay’adda Hormuud Salaam Foundation oo sanad waliba marka la gaaro bisha barakeysan ee Ramadan.

  • Soomaliya

    01-03-2025

  • 12:27PM

Axmed Madobe: Xamase Cabdi Barre waa Shaqaale aan lahayn go'aan qaadasho

Markii uu ka hadlayay dagaalladii dhawaan ka dhacay Raskamboni ee u dhexeeyay ciidanka Federalka iyo Ciidamada Jubaland, Axmed Madobe.

  • Soomaliya

    01-03-2025

  • 11:59AM