Xasan Sheekh oo doorashadda qof iyo codka ka dhiganaya sabab uu ku dheereysana muddo xileedkiisa

Image

MUQDISHO, Soomaaliya - Saraakiil katirsan dowladda Mareykanka ayaa sheegay inay ku jahwareersan yihiin Madaxweynaha Soomaaliya Xasan Sheekh, kaasoo lagu eedeeyay inuu carqaladeynayo dadaallada dib u dhiska dowladnimada isaga oo ku adkeysanaya doorasho qof iyo cod ah oo aan heshiis lagu ahayn, macquulna ahayn xiligan.

Warbixin ay daabacday Washington Post ayaa sheegaysa in qorshaha Xasan Sheekh uu yahay xeelad loogu talagalay dib u dhigista doorashooyinka iyo in muddo xileedka lagu kordhisto. Maraykanka ayaa kamid ah dowladaha cadaadiska ku saaraya Madaxweynaha inuu shir lagalo mucaaradka, lagana heshiiyo arrimaha khilaaf ka taagan sida nidaamka doorashadda iyo dastuurkawax ka bedelkiisa.

Khilaafka siyaasadeed wuxuu carqaladeynayaa hawlgallada ka dhanka ah Al-Shabaab, oo soo qaadey hadda weeraro culus oo deegaano ku qabsatay. 

Sida uu sheegay Hussein Sheekh Cali, lataliyaha amniga qaranka, Maraykanku waa saaxiib muhiim ah oo arrimaha amniga ah, waxaana ka bixitaankiisa Soomaaliya si weyn u saameyn doonta dagaalka lagula jiro Al-Shabaab.

Iyadoo Maraykanku doonayo inuu joojiyo maalgelinta Hawlgalka Midowga Afrika ee Soomaaliya (AUSSOM), Midowga Afrika ayaa bilaabay in Afrika u sheego inay isku tashato, maadaama uu dhamaadey waqtigii taageeradda militeri ee Washingon lagu tiirsanaan jiray.

Maraykanku horey ayuu u yareeyay taageerada uu siiyo Ciidanka Danab, iyadoo niyadda ciidanku hoos u dhacday. Taas ayaa suuragelisay in Al-Shabaab xooggeeda kordhiyo, gaar ahaan gobollada dhexe iyo koonfurta.

GAROWE ONLINE

Related Articles

Soomaaliya: Sidee Ku Bilowday Dagaalka Doolow? Yey Ahaayeen Dhinacyadii dagaalamey?

Dagaalkan ayaa kusoo beegmaya xilli khilaafka u dhexeeya dowladda Federaalka iyo Jubaland…

  • Soomaliya

    28-07-2025

  • 09:36PM

Madaxweynaha Soomaaliya oo Waji-Gabax Kala Kulmay Booqashadii Itoobiya

Safarka Madaxweyne Xasan Sheekh ayaa sidoo kale yimid kaddib booqashooyin uu ku tagay….

  • Soomaliya

    28-07-2025

  • 08:01PM