Xasan Sheekh oo tilmaamay iskaashi gaar uu la leeyahay Jabuuti

Hadalkan ayuu ka sheegay kulan uu la qaatay Guddoomiyaha Baarlamaanka Jabuuti Dileyta Maxamed Dileyta.

MUQDISHO, Soomaaliya - Madaxweyne Xasan Sheekh Maxamuud ayaa Madaxtooyada Qaranka ku qaabilay wafdi uu hoggaaminayo Guddoomiyaha Baarlamaanka Jabuuti Dileyta Maxamed Dileyta oo soo gaaray magaalada Muqdisho.

Madaxweynaha ayaa tilmaamay ahmiyadda ay u leedahay labada dal ee Jabuuti iyo Soomaaliya iskaashi diblomaasiyadeed, iyo ka shaqeynta wax wada qabsi wadajir ah.

Sidda lagu sheegay qoraal kasoo baxay Madaxtooyadda Soomaaliya, iskaashigaas ayuu tibaaxay inuu Gobolka u horseedi karta horumar, is ixtiraam, amni, nabad iyo xasillooni waarta.

Dhankiisa Guddoomiye Dileyta Maxamed ayaa shacabka iyo dowlad uga mahadceliyey soo dhaweynta diiran, isaga oo bogaadiyey guulaha ay ku tallaabsatay dowladda Federaalka Soomaaliya.

GAROWE ONLINE