Xildhibaan ka tirsan Barlamanka Somalia oo ka badaabdey dil
-
- Posted On 11-11-2014, 11:50AM
Talado November 11, 2014 [GO]- Xildhibaan Maxamad Cumar Dalxa oo ka tirsan Barlamanka Dowlada Federaalka Somalia ayaa ka badbaadey isku day dil saaka mar uu kasoo baxey gurigiisa oo ku yaala degmada Xamar Jajab ee magaalada Muqdisho.
Maxamad Cumar Dalxa oo markaas kusoo wajahnaa xarunta Barlamanka Somalia ayaa waxaa gaarigiisa hortiisa isku gooyey baabuur nooca loo yaqaan Noha oo ay saaranaayeen dabley ku hubeysan qoryahay fudud kuwaasoo tacshiirad ooda kaga qaadey.
Weerarkaan ayaa waxaa ku dhintey darwelka Xildhibaanka iyo askari ka tirsan ilaalidiisa balse mudanaha ayaa weerarkaan wax dhaawac ah ka soo gaarin.
Dalxa ayaa ka tmid ah Xildhibaanada mudada dheer xubinta ka ahaa Barlamanka dowlada Federaalka Somalia
Kooxda Al-shabaab oo dhowaan laga qabsadey degaano farabadan ayaa weli sheegan weerarkaan balse falal lagu dilayo mas'uuliyiinta dowlada maalmihii ugu dambeeyey ka fuleyneysay magaalada Muqdishu.
Kulan Barlamanka dowlada Federaalka ayaa maanta kusoo dhamaadey buuq kadib markii la horkeeney mooshin la rabo in xilka looga qaado Ra'isla wasaaraha Somalia.
GAROWEONLINE
