Xukuumadii R.W. Cabdiweli Sheekh oo kalsoonida lagala laabtey
-
- Posted On 06-12-2014, 10:36AM
December 6, 2014 (GO)- Aqlabiyadda xildhibaannada Baarlamaanka Dolwadda Federaalka ayaa kalsoonida kala laabtey xukuumadda Ra'iisul Wasaare Cabdiweli Sheekh Axmed oo iyadu soo shaqeynaysey tobankii bilood ee ugu dambeeyey.
Fadhiga baarlamaanka ee maanta waxaa soo xaadiray 235 mudane, waxaana u codeeyey in xukuumadda kalsoonida lagla laabto 153 halka 80 xildhibaan u codeeyeen in xukuumaddu sii shaqeyso labo kalena ka aamuseen.
Sida uu dastuurku dhigayo Madaxweyne Xasan Sheekh Maxamuud ayaa looga fadhiyaa in muddo bil gudaheed ah uu kusoo magacaabo Ra'iisul Wasaare cusub kaasoo isna bil gudaheed kusoo dhisi doona xukuumadda bedeli doonta tan maanta baarlamaanku kalsoonida kala laabtey.
GAROWE ONLINE
