Garabyada UCID oo shirar ku qabsanaya Hargaysa
-
- Posted On 08-11-2016, 01:41PM
HARGAYSA, Somaliland- Garabyada is haya xisbiga mucaaradka UCID, ayaa maanta lagu wadaa inay labo shir ku kala qabsadaan daafaha magaalada Hargaysa, kaasoo ay sheegeen inay uga hadlayaa aayaha xisbigaas.
Garabka Jamaal Cali Xuseen, ayaa ku shiray Hotel Masoor, halka dhinaca Faysal Cali Waraabana, ku kulmi doonaan hotel Adams ee magaalad Hargaysa.
Lama oga natiijada kasoo bixi doonta, balse arrintan ayaa sii hurinaysa khilaafkii ka dhex oognaa labada garab.
Waxay sidoo kale jabiyeen go'aankii maxkamadda ee ahaa inay qabtaan shir-weyne looga hadlayo hishiis ay labada mas'uul ee is haya kala saxiixdeen sannadkii 2012.
Waxgaradka iyo siyaasiyiinta xisbigaas ee ku sugan Awdal ayaa madaxweynaha Somaliland ugu baaqay inuu ka qayb qaato sidii xisbigaas loo bad-baadin lahaa.
Khilaafkan, ayaa yimid iyadoo waqti kooban ka harsantahay doorashada maamulkaas oo xisbiyada kale loollan ugu jiraan sidii ay ugu guulaysan lahaayeen hogaanka Somaliland.
GAROWEONLINE
