​Somaliland- Xildhibaan Tayanle oo Geeriyooday

HARGAYSA, Somaliland- AUN Xildhibaan Cabdiraxmaan Tayanle oo kamid ahaa mudanayaasha golaha shacabka Barlamanka Somaliland ayaa ku geeriyooday waddanka Hindiya sida ay xaqiijiyeen ehelkiisa iyo Xildhibaano katirsan golaha wakiillada.

Tayanle oo kamid ahaa xubnaha fir-fircoon ee Barlamanka Somaliland sidoo kalena dhawaan u sharaxnaa Guddoomiyaha Golaha Wakiillada Somaliland ayaa geeriyooday isagoo arrimo Caafimaad u jooga waddanka Hindiya.

Faah faahin dheeraad ah lagama bixin sababta keentay Geerida Marxuumka Qadar ALLE ka sokow.

Qaar kamid ah Xildhibaanada Somaliland ayaa tacsi u diray Marxuumka iyagoo sheegay inuu ahaa shakhsi muhiim ah oo ka baxay bulshada ku nool maamulkaas.

Sidoo kale golaha xukuumadda ayaa tacsi u diray Xildhibaanka iyagoo ALLE uga baryay inuu ugu deeqo naxariistiisa waasaca ah.

GAROWEONLINE