Xisbiga Kulmiye oo isu diyaarinayaa doorashada ayaa doortay hogaan cusub

SAWIR HORE

HARGEYSA, Soomaaliya - Xisbiga talada haya ee Kulmiye ayaa maanta u doortay Wasiirka Arrimaha Gudaha Maxamed Kaahin inuu noqdo Gudoomiyaha xisbiga, ka dib shir ay Golaha Dhexe ku yeesheen Magaalada Burco.

Kaahin ayaa si xooggan ugu ololeeyay inuu ku guuleysto kursigan, isaga oo taageero ka heley Muuse Biixi oo aad u soo dhaweeyay natiijadan.

Xisbiga ayaa sidoo kale u doortay madaxweynaha talada haya ee Muuse Biixi inuu isku sharaxo xilka madaxtinimada, waxaana sidoo kale loo doortay Maxamuud Xasan Saajin inuu u tartamo jagada madaxweyne ku xigeenka.

Talaabadan ayaa cadeyn u noqon karta musharaxa xisibiga kulmiye ee u tartami doono jagada madaxtinimada Muuse Biixi ka dib.

Somaliland ayaa isu diyaarinaysa doorasho lagu muransanyahay, xilli maamulka talada haya iyo mucaaradka aysan weli ku heshiin muddeynta doorashada.

GAROWE ONLINE