Maamul Goboleedyada oo war kasoo saarey faragelinta Doorashada KG
-
Wariyaha Muqdisho GAROWE ONLINE
- Posted On 06-11-2018, 11:04AM
BAYDHABO, Soomaaliya - Gollaha Iskaashiaga Dowlad goboleedyada dalka, ayaa war-saxaafadeed kasoo saarey faragelinta dowladda Federaalka ay ku hayso doorashada Koonfur Galbeed iyo is-casilaaddii xubnaha gudiga doorashada maamulkan.
Qoraalkan oo ay si wadajir ah usoo saareen Madaxda Puntland, Galmudug, Jubbaland iyo Koonfur Galbeed ayaa lagu sheegay in Villa Somalia ay Muqdisho u daad-gureysay ku dhawaad 100 Xildhibaab, si loogu qanciyo inay u codeeyaan musharaxa dowladda.
Xildhibaanada Koonfur Galbeed ayaa maalmihii ugu dambeeyay diyaarado looga soo qaadey Baydhabo, iyagoo la dejiyy Hoteello ku yaalla Muqdisho, waxaana sida ku xusan War-Saxaafadeedka la siinayaa lacago laaluush ah, oo looga iibsanayo codadkooda.
Tani ayay sheegeen hogamiye-yaasha dowlad goboleedyada inay meesha ka saareyso in Koonfur Galbeed ay 17-ka bishan ka dhaco doorasho Nabad, Xor iyo Xalaal ah ay qansoonto, islamarkaana ay dadka ay kusoo doortaan Madaxweynaha ay doonayaan.
WAR-SAXAAFADEEDKA:
GAROWE ONLINE
