Diyaarad ka duushay magaalada Muqdisho oo gubatay
-
WARIYAHA MUQDISHO GAROWE ONLINE
- Posted On 03-11-2021, 11:57AM
GAROWE, Puntland - Diyaaradda xamuul oo ka duushay Muqdisho, kuna sii jeeday Doolow ayaa waxaa qabsaday Dab wax yar kaddib markii ay ku degtay garoonka diyaaradaha magaaladaas.
Lama soo sheegin khasaaro nafeed, iyadoo duuliyeyaasha diyaaradda ay ka boodeen ka hor inta aanay dab ka kicin. Diyaraadda ayaa nooceedu yahay C-160 waana diyaarad xamuul.
Ilo-wareedyo ayaa u sheegay Garowe Online in diyaaradda uu dab qabsaday markii ay soo cago dhigataay garoonka. In la waayey gaadiidka gurmadka deg-deg ah ayaa dhalisay gubashada.
Ilaa hadda lama sheegin wax khasaare nafeed ah oo ka dhashay shilkan. Sidoo kale mas’uuliyiinta Doolow iyo kuwa gobolka Gedo ayaan weli ka hadlin. Isku dayo xiriir ayaanan guuleysan.
GAROWE ONLINE
