Soomaaliya: Jeneraal gadoodsan oo dagaal ka bilaabay Muqdisho

Image
SAWIR HORE

MUQDISHO, Soomaaliya - Waxaa magaalada Muqdisho ka dhacay xalay dagaal xooggan oo u dhaxeeyay ciidamada Booliska Milateriga iyo ciidan kale oo taabacsan Jeneraal lagu magacaabo Sheegow Axmed Cali, iyadoo laamaha ammaanka aysan wax war ah ka soo saarin ilaa hadda.

Dagaalkan ayaa qarxay kadib markii uu Jeneraalka diiday in uu Booliska ku soo wareejiyo laba askari oo loo heysto in ay dileen askari kale oo ka tirsan ciidamada Booliska Milateriga/Boliis Militari.

Jeneraalka iyo ciidamadiisa ayaa haatan difaac ka sameystay degmada, halka booliska ay hareereeyeen goobta, iyaga oo wata gawaari Cabdibile ah oo tiradoodii gaaraya 20.

Kadib is rasaaseynta dhexmartay Boliska iyo ciidamada Jeneraalka, qaar ka mid ah Xildhibaanada Golaha Shacabka ee matalayay Jeneraalka ayaa isku dayay inay ay soo farageliyaan oo ay dhexdhaxaadiyaan labada dhinac balse isku daygaas ayaa ku soo dhamaaday fashil.

Laamaha ammaanka ayaa xaqiijiyay in saacadaha soo socda ay xoog ku weerari doonaan guriga Jeneraalka, ayna soo afjari doonaan weerarka iyaga oo gacnta ku soo dhigaya dadka la tuhunsan yahay.

GAROWE ONLINE

Related Articles

Ra’iisul Wasaaraha Soomaaliya oo booqanaya Laascaanood, SSC-Khaatumo

Booqashadan ayaa noqon doonta mid muhiim ah oo kor u qaadi karta heerka siyaasadeed iyo dhaqaalaha ee gobolka.

  • Soomaliya

    02-04-2025

  • 08:07AM

Diyaarad shil ku gashay Garoonka Muqdisho

Dhowrkii sano ee lasoo dhaafayay, shilka noocan ah ayaa ka dhacayay garoonka Aadan Cadde, ee magaaladda Muqdisho.

  • Soomaliya

    01-04-2025

  • 02:09PM