Al-Shabaab loo xukumay weerar lagu qaadey Jaamacad oo "is-daldalay"
-
WARIYAHA NAIROBI GAROWE ONLINE
- Posted On 30-11-2020, 07:00AM
NAIROBI, Kenya – Muwaadin reer Tanzania, Rashid Charles Mbereso kaasoo xabsi daa'in loogu xukumay doorkii uu ku lahaa weerarkii Al-Shabaab ee Jaamacadda Garrisa 2015-kii, ayaa is-dilay, sidda ay xaqiijiyeen mas'uuliyiin dhowr ah.
Sidda laga soo xigtay qoraal kasoo baxay bileyska, 26-jirkan ayaa isku-daldalay qolka uu kaga jiray xabsiga Kamiti Maximum ee caasimadda Nairobi.
War-saxaafadeedka ayaa intaas ku daray in Rashid uu la noolaa dhibaato maskaxda ah had iyo goorna uu la murmi jiray maxaabiista la xirneyd.
Bishii April 2-deeda sanadkii 2015-kii ayay ahayd markii dabley hubeysan ay gashay Jaamacadda Garrisa toogateynta in ka badan 140 arday ah.
Dagaalameyaasha Al-Shabaab ee gacansaarka la leh shabakadda argagixisadda ah ee Al-Qaacida ayaa dusha saartay mas'uuliyadda falkaas foosha xun.
Kenya ayaa qeyb ka ah howlgalka Midowga Afrika ee nabad-ilaalinta Soomaaliya kaasoo in ka badan tobban sano la dagaalamaya maleyshiyaddan.
Xoogaga hubeysan oo doonaya in ay meesha ka saaraan dowladda Soomaaliya ayaa wacad ku maray in ay beegsan doonan Kenya illaa dalkan dhaca Bariga Afrika uu ciidamadiisa kala bixi doono waddanka leh xeebta ugu dheer Afrika.
GAROWE ONLINE
