Diyaaradaha dagaalka Israa'iil oo markale weeraray Gaza

Duullaanka ayaa dhacay ka hor waaberiga Khamiista. Ilaa hadda ma jiro wax war ah oo ka soo baxay dhinaca khasaaraha.

TAL AVIV, Israel – Israa’iil ayaa duqeymo cirka ah ka fulisay bartamaha Marinka Gaza, waana markii labaad toddobaadkan, sida ay sheegeen goob joogayaal, iyadoo milaterigu ay sheegeen in diyaaradahooda dagaalka ay weerareen dhismo dhulka hoostiisa ah oo lagu sameeyo gantaallada.

Duullaanka ayaa dhacay ka hor waaberiga Khamiista. Ilaa hadda ma jiro wax war ah oo ka soo baxay dhinaca khasaaraha. Goob joogayaal ayaa warbaahinta u sheegay in weeraradaasi ay waxyeelo gaarsiiyeen guryo badan oo ku yaala xerada qaxootiga ee al-Bureij ee bartamaha Gaza.

Xalay saqdii dhexe, gantaal laga soo tuuray Qaza ayaa ku dhacay koonfurta Israa’iil, kaas oo sababay khasaare yar oo soo gaaray guri balse ma jiro wax dhaawac ah, sida ay sheegeen booliska Israa’iil. Afar gantaal oo kale ayaa sidoo kale laga soo tuuray Qaza, millatariga Israa’iil ayaa sheegay, ka dib markii ay weerarradooda ku qaadeen xeebaha go'doomiyey, laakiin waxaa dhexda u galay nidaamyada difaaca cirka.

Ma jirto koox falastiiniyiin ah oo sheegatay mas’uuliyadda gantaalladan.

Bayaan ay soo saartay Xamaas, kooxda maamusha Gaza, waxay ku sheegtay in duqeynta Israa’iil ay ku dhiirigelinayso oo kaliya inay Falastiiniyiinta “iska caabiyaan qabsashada oo ay kordhiyaan taageeradooda Qudus iyo dadkeeda”.

Rabshadaha sii kordhaya ee Israel iyo dhulka la haysto ee falastiiniyiinta ayaa sare u qaaday cabsida laga qabo in ay dib ugu laabtaan iskahorimaad ballaaran, ka dib weerarkii 11-ka maalmood socday ee Israa’iil ay ku qaaday Gaza sanadkii hore, kaasoo ay ku dhinteen in ka badan 250 Falastiiniyiin ah oo ku sugan Gaza iyo 13 qof oo Israa’iil ah.

Bishii Maarso, ciidamada Israa’iil ayaa ugu yaraan 29 falastiiniyiin ah ku dilay weerarro ay ku qaadeen Daanta Galbeed kaddib markii 14 qof oo Israa’iil ah lagu dilay weerarro waddooyin ah.

Booliska Israa’iil ee ka hortaga rabshadaha ayaa todobaadkii hore gudaha u galay dhismaha masjidka Al-Aqsa, halkaasi oo ay ku dhaawacmeen ugu yaraan 158 qof oo muslimiin ah oo ku cibaadeysanayay masjidka.

Xiisadda sanadkan ayaa waxaa qeyb ka ah bisha barakeysan ee Ramadaan oo Muslimiinta ay ku soo beegantay xilli Yahuudda ay u dabaaldegayaan Iidda Kormaridda.

Falastiiniyiinta ayaa Israa’iil ku eedaynaya in ay ku soo xad-gudbeen Al-Aqsa kadib markii ay u ogolaatay Yuhuud cibaadaysanaysa in ay galaan xarunta barakeysan. Waxa ay sheegeen in tallaabadan ay xad gudub ku tahay siyaasad qarniyo soo jirtay oo dadka aan Muslimka ahayn ay soo booqan karaan, balse aysan ku tukan karin.

Hogaamiyayaasha Israa’iil ayaa sheegay in ay xaqiijinayaan xorriyadda cibaadada dhammaan diimaha ku nool magaalada Qudus. Al-Aqsa waa goobta saddexaad ee ugu barakada badan Islaamka, sidoo kale Yuhuuddu waxay u qaddariyaan inay ku yaalliin laba macbad oo qadiimi ah.

Israa’iil ayaa doonaya in la haysto Bariga Quddus, oo ay ku jiraan goobaha barakaysan ee Muslimiinta, Masiixiyiinta iyo Yuhuudda, inay noqoto caasimadda dawlad mustaqbalka.

Israa'iil, oo la wareegtay bariga Quddus tallaabo aan caalamku aqoonsanayn ka dib markii ay aaggaas ku qabsatay dagaal 1967, waxay Qudus u aragtaa caasimaddeeda weligeed ah.

GAROWE ONLINE