Colaadda Tigray oo mar-xalad cusub gashay xilli dadaalo jiraan

Dowladda Itoobiya ayaa sheegatay qabsashada magaalooyin muhiim ah iyadda oo TPLF ay hoos-u-dhigtey guuldaradan.

ADDIS ABABA, Ethiopia - Dowladda Itoobiya ayaa sheegtay in ciidamadeedu ay qabsadeen saddex magaalo oo ku yaalla waqooyiga gobolka Tigray, kuwaas oo ay kala wareegeen ciidamadii ay kula jirtay dagaalkii sokeeye ee 23-ka bilood socday.

Xukuumadda Addis Ababa oo guushan si weyn u shaacisay ayaa waxay ballan qaaday in ay “xakamaynta ugu badan ka bixin doonto” si looga ilaaliyo dadka rayidka ah waxyeellada.

Warkan ayaa imaanaya iyadoo diblumaasiyiinta ay sii kordhayaan walaaca ay ka qabaan saameynta dagaalka uu ku yeelanayo muwaadiniinta iyo barakacyaasha ku jira xeryaha.

Khasaaraha soo gaaray magaalada istiraatiijiga ah ee Shire oo leh garoon diyaaradeed iyo wadada xiriirisa xarunta gobolka ayaa dhabar jab weyn ku ah ciidamada Tigreega.

Alamata iyo Korem waa labada magaalo ee kale ee ay hadda sheegteen ciidamada federaalka Itoobiya. Shire waa mid ka mid ah magaalooyinka ugu waaweyn Tigray oo ay ku nool yihiin ilaa 100,000 oo qof.

Dhaqdhaqaaqan cusub ayaa noqonaysa midkii ugu danbaysay ee ka soo cusboonaatay khilaafka kala dhaxeeya dawlada Itoobiya oo ay ciidamadeeda ku xoojinayaan xulafada Eritrea.

Bishii Ogosto, Ra'iisul Wasaare Abiy Axmed ayaa ku eedeeyay in diyaarado hub sidday ay habeenkii ka soo degi jireen Shire - iyadoo loo malaynayo inay taageerayaan ciidamada Tigrayga. Mr Abiy ma uusan cadeyn halka ay ka imaanayaan duulimaadyada.

War qoraal ah oo ka soo baxay xafiiska warfaafinta ee dawladda Isniintii ayaa ku eedeeyay ciidamada Tigrayga inay gacan saar la leeyihiin jilayaal ajnabi ah oo aan la magacaabin oo "cadaw ah" kuba xad-gudbaya hawada Itoobiya taasoo marmarsiinyo u ah go'aanka lagu maamulayo garoomada diyaaradaha.

Dagaalku waxa uu bilaawday Noofambar 2020 markaas oo ciidamada federaalka Itoobiya ay isku dayeen in ay maamulka gobolka kala wareegaan kooxda TPLF.

Go’doomin si degdeg ah ku dhaqan-gashay ayaa bilowday markii kooxda TPLF ay qaaday weerar rogaal celis ah oo ay dib u qabsadeen inta badan Tigray-ga June 2021.

Kooxda TPLF ayaa sheegtay in ay ku dhex jiraan "halgan nolol iyo geeri" waxayna ugu baaqeen dhamaan qoomiyada Tigreega in ay dagaalka sii wadaan, balse waxa ay sidoo kale damceen in ay hoos u dhigaan guuldarada istaraatiijiga ah ee soo gaartey.

GAROWE ONLINE