Rag 50-sano xabsi ah loogu xukumay in ay diideen barakicin

Maxkamadda Dambiyada Sacuudiga ayaa ridey xukunkan oo si weyn loo dhaleeceeyay.

RIYADH, Saudi Arabia - Laba xubnood oo ka tirsan beesha Howeitat,  qabiil ku nool Sacuudi Carabiya oo si qasab ah looga barakiciyay guriyahooda si loo hirgeliyo mashruuca $500 bilyan ay ku baxeyso ee Neom megacity, ayaa lagu xukumay xukun dheer sababo ku aadan in ay ka hor-yimaadeen mashruuca, sidda ay sheegtey koox u dooda xuquuqda aadanaha oo fadhigeedu yahay UK.

Abdulilah al-Howeiti iyo qaraabadiisa, Abdullah Dukhail al-Howeiti, ayaa labadoodaba lagu xukumay 50 sano oo xarig ah iyo 50 sano oo xayiraad dhanka socdaalka ah, kadib markii ay taageereen diidmada qoyskooda ee ah in si qasab ah looga saaro guryahooda oo ku yaala gobolka Tabuuk ee waqooyi-galbeed ee Sacuudiga, sida uu sheegay Alqst.

Xukunnada kiisaskooda, oo ay samaysay Maxkamadda Gaarka ah ee Dambiyada ee Racfaanka bishii Ogosto, ayaa ka mid ah xukunno dheer oo la mid ah oo ay maxkamadaha Sucuudigu ku rideen xagaagan.

Qorshaha Neom waxaa markii ugu horreysay ku dhawaaqay dhaxal-sugaha Boqortooyada Mohammed bin Salman sanadkii 2017, markaasoo uu ballan qaaday in magaalo mustaqbal leh laga dhisi doono xeebta waqooyi-galbeed ee Sacuudi Carabiya.

Ilaa hadda, wax yar ayaa la dhisay, laakiin lacago badan ayaa la siiyay la-taliyeyaal waxaana la shaaciyay qorshayaal qaawan oo isa soo taraya. Si kastaba ha ahaatee mas’uuliyiinta Sucuudiga ayaa isku dayay in ay ka nadiifiyaan degaannada ku teedsan 170km ee gobolka Tabuuk ee dadka deggan, kuwaas oo intooda badan ka tirsan qabiilka Howeitat.

Fahfaahinta qorshan oo si kooban oo taxadar leh loosoo bandhigay ayaa muujinaya in ku talagalka uu yahay in la sameeyo magaal dhan oo ka kooban muyaarad ah taasoo lahaan doonto wax kasta oo magaalo weyn u baahan tahay.

Dhaxal-suge Maxamed bin Salmaan ayaa tan iyo markii loo magacaabay jagadaas wuxuu la imaanayay qorsheyaal waaweyn oo dadwaynaha Sacuudiga ay su'aallo badan ka keeneen waxaana kamid ah kan hadda dadka looga barakicinayo guriyahooda wallow ay madaxdu sheegeen in dadkan ay heli doonan magdhow ka badan laba boqol kun haddana waxaa illaa hadda la siiyey kaliya $3,000.

GAROWE ONLINE