118 arday oo ka qalin jabisay Jaamacadda Bariga Afrika [Sawirro]
-
- Posted On 26-09-2015, 11:37AM
26 September, 2015(GO)-Waxaa maanta magalada Garowe lagu qabtay munaasabad ay ku qalin jabinayeen 118 arday oo wax ka bartay jaamacadda Bariga Afrika faraca Garowe.
Ardayda oo isugu jiray wiilal iyo gabdho ayaa bartay kulliyadaha hormarinta bulshada, Sharciga iyo qaanuunka, maamulka iyo maaraynta, iyo cilmiga Computer-ka.
Gudoomiyaha Barlamanka Puntland iyo masuuliyiin ka socotay labada gole ee dowladda, maamulka Jaamacadda, macalimiin, ardayda wax ka barata iyo bulshada qaybahooda kala duwan ayaa ka soo qayb galay xafladda.
Ma'uuliyiin kala duwan oo ka hadlay goobta lagu qabtay xafladda ayaa khudbadahooda diiradda ku saaray sidii loo taageeri lahaa waxbarashada dhalinyarada iyo qabkii loogu samayn lahaa shaqo abuur.
Maamulka Jaamacadda Bariga Africa oo ka hadlay marxaladihii laga soo maray hirgalinta Jaamacadda, ayaa waxay tilmaameen in haatan buuxisay baahi tirka aqoonta ee ardayda Puntland.
Gudoomiyaha Barlamanka Puntland Siciid Xasan Shire ayaa sheegay inay dhalinyaradu la yimaadaan hal abuur, isagoo mesha ka saaray inaysan jirin sabab loo tahriibo.
Odoyaasha dhaqanka ayuu ugu baaqay Shire inay tixgaliyaan ardayda waxbaratay xilliga lagu jiro soo xulista Barlamanka Puntland.
Ardayda maanta qalin jabisay ayaa noqonaysa dufcadii Saddexaad ee ka baxday Jaamacadda Bariga Africa faraca Garowe.
GAROWEONLINE
