Deni oo magacaabay Taliyaha qaybta Booliska Gobolka Sool
-
WARIYAHA GAROWE GAROWE ONLINE
- Posted On 11-01-2020, 07:12PM
GAROWE, Puntland - Madaxweyne Saciid Cabdullaahi Deni ayaa Gaashaanle Sarre Cismaan Yuusuf Muuse u magacaabay Taliyaha Qaybta Booliska Gobolka Sool.
Magacaabista ayaa Sabtida maanta ah waxaa lagu sameeyay wareegto kasoo baxday xafiiska madaxweyne Deni oo nuqul kamid ah uu arkay warsidaha Garowe Online.
Hoos ka akhriso wareegtada
Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne Lr.05 January 8, 2020 ku magacaabay Taliyaha Qaybta Booliska ee Gobolka Sool.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay : Baahida loo qabo dardargelinta howlaha Amni ee Gobolka Sool.
Markuu arkay: Aqoontiisa, kartidiisa iyo waaya-aragnimadiisa Ciidanimo.
Markuu Tixgeliyey: Talo soojeedinta Taliyaha Ciidanka Booliska Dowladda Puntland.
Wuxuu xeeriyey:
1. Waxaa G/Sare. Cismaan Yuusuf Muuse loo magacaabay Taliyaha Qaybta Booliska Gobolka Sool.
Xeerkani wuxuu dhaqan gelayaa markuu Madaxweynuhu saxiixo, wuuna saxiixay.
DHAMMAAD
GAROWE ONLINE
