Doorashada duqa degmada Qardho oo la shaaciyay [Dhagayso]
-
- Posted On 20-09-2015, 09:53AM
20 September, 2015(GO)-Magalada Qardho xarunta gobolka Kar-kaar waxaa ka socota qaban qaabada doorashada golaha deegaanka degmadaasi.
Kulan ka dhacay magaalada Qardho ayaa lagu shaaciyay xilliga la qabanayo doorashada iyo shuruudaha laga doonayo xildhibaanada cusub.
Isu-duwaha wasaaradda arrimaha gudaha gobolka Karkaar Maxamed Muuse Ismaaciil ayaa warbaahinta u akhriyay shuruudaha laga doonayo xildhibaanada cusub.
Maxamed ayaa odayaasha ka codsaday inay soo dadajiyaan soo gudbinta xubnaha,waxaana loo qabtay inay ku keenaan muddo 2 maalmood gudahooda ah,
Doorashada Gudoomiyaha iyo ku-xigeenkiisa ayaa loo muddeeyay inay dhacdo maalinta Arbacada ee fooda nagu soo haysa.
Horay, wareegto kasoo baxday wasaaradda arrimaha gudaha dowladda Puntland ayaa lagu shaaciyay inay xilka sii hayaan mudo 20 casho ah, gudoomiyaha waqtigiisu dhammaaday Maxamed siciid Ciise "Hogaamo" iyo ku-xigeenkiisa Burhaan Xaaji Aadan.
GAROWEONLINE
