Eng: Cumar Dheere oo Galkacyo lagu dilay
-
- Posted On 07-05-2016, 07:13PM
GALKACYO- Waxaa saladdii Maqrab [07 May, 2016], magalada Galkacyo xarunta gobolka Mudug lagu dilay Allaha u naxariistee gudoomiyihii ganacsada gobolka Mudug islamarkaana ahaa Maareeyaha shirkadda Somtel gobolkaasi Eng. Cumar Cabdulle Maxamed ( Cumar Dheere).
Dilkaan ayaa ka dhacay masaajidka Salaama, xilli laga soo baxay tukashada salladda Maqrib.
Ruux dhalinyaro ah oo Bastoolad ku hubaysan, ayaa falkaasi gaystay siday warsidaha Garowe Online u sheegeen goob joogayaal ku sugan Galkacyo.
Lama garanayo haybta ruuxa falkaasi gaystay, mana jirto cid sheegatay mas'uliyadda dilka Allaha u naxariistee Eng. Cumar Dheere.
31 March, 2016, ayay ahayd markii qarax miino lagu dilay Allaha u naxariistee xisaabiyihii gobolka wasaaradda Maaliyadda gobolka Mudug Siciid Cali Yusuf (Gaadayare).
GAROWEONLINE
