Firdhiye: Gacantii cadowga ee dishay Abwaan Jaamac waan goynay
-
WARIYAHA GAROWE GAROWE ONLINE
- Posted On 17-08-2024, 04:42AM
GAROWE, Puntland - Hoggaamiyaha Maamulka SSC-Khaatumo ayaa Shacabka Caasimadda iyo marti sharaf badan oo kala timid dhulka Soomaliyeed oo dhan kala qaybgalay bandhigga iyo xuska Buugga laga qoray Abwaan Jaamac Kadiye Cilmi.
Hoggaamiyaha ayaa xusay in Laascaanood iyo dhammaan dhul weynaha SSC-Khaatumo ay yihiin dhul Soomaliyeed oo hooy u ah una furan markasta dadka Soomaaliyeed dhan.
"16/8/2023 waxaannu ballanqaadnay inaanu gacantii cadawga ahayd ee Abwaan Jaamac Kadiye dishay aanu goyn doonno, Eebbe mahaddii gacantaas waanu goynay," ayuu yiri.
Hoggaamiyaha ayaa u mahadceliyey Qoraaga Buugga, Bahda qabanqaabada munaasibadda iyo dhammaan marti sharaftii ka kala timid dhulka Soomaliyeed ee soo ajiibay ka qaybgalka Munaasibadda.
"Waxaan markale xusayaa in ciidankii iyo shacabkii jabiyey cadawgaas ay wali diyaar u yihiin in ay difaacdaan dhulkooda, sharaftooda iyo karaamadoodaba. Haddii nabadda la xejin waayanana aanan markaan ciidankayaga horjoogsan doonin," ayuu tibaaxay.
GAROWE ONLINE
