Gaalkacyo: Xubno AS ah oo dil toogasho lagu fuliyay

Dowladda Puntland ayaa sheegtay in talaabooyinkan ay qayb ka yihiin dadaalka ay ugu jiraan nabadgelyada.

GAALKACYO, Puntland - Puntland ayaa maanta toogasho ku fulisay 10 xubnood oo ka tirsanaa Al-Shabaab, kuwaas oo horey dil loogu xukumay.

Fulinta xukunkaan ayaa imaaneysa maalmo un kadib markii koox ka tirsan Al-Shabaab ay ka baxsadeen xabsi ku yaalla Gaalkacyo.

Booliska Puntland ayaa maalmood kadib waxay sheegeen in ay dib u soo qabteen qaar ka mid ah maxaabiista fakatay.

Dowladda Puntland ayaa sheegtay in talaabooyinkan ay qayb ka yihiin dadaalka ay ugu jiraan nabadgelyada iyo xasilloonida deegaannada ay maamusho.

GAROWE ONLINE