Gaas oo Bosaso kula kulmay wafdi kasocda Cumaan
-
- Posted On 12-01-2017, 04:28PM
BOSASO, Puntland- Madaxweynaha Dawladda Puntland Cabdiweli Maxamed Cali Gaas ayaa maanta 12 January 2017 kulan kula qaatay xarunta madaxtooyada magaalada Bosaso wefti ka Socda Dalka Cumaan.
Xubnahan ayaa isugu jiray mas'uuliyiin kasocotay wasaaradda Ganacsiga Cumaan, rugta ganaciga dalkaas, xubn katirsan madaxtooyada iyo maamulka sare ee diyaarada Salaala Airline.
Kulan labada dhinac dhexmarayay ayay uga hadleen sidii loo hormarin lahaa iskaashiga ganacsi ee ka dhaxeeya labada dalka iyadoo sidoo kale mas'uuliyiintaasi soo bandhigeen rabitaan ah inay ka howlgalaan deegaanada Puntland.
Masuuliyiintii ka socotay shirkada diyaaradaha ee Salaala Airline ayaa dhankooda sheegay in ay ka bilaabi doonaan duulimaadyo ay uga kala dhex gooshi doonaan Cumaan iyo Somalia.
Madaxweynaha Dawladda Puntland Dr. Cabdiweli Maxamed Cali Gaas, ayaa xusay inuu ku faraxsanyahay imaanshahooda isagoo tilmaamay inuu la garab taaganyahay taageero kasta oo ay uga baahdaan, wuxuuna ugu baaqay in Puntland tahay dhul nabad ah oo maalgashiga ku wanaagsan.
Gaas, ayaa sidoo kale baaq u diray ganacsatada reer Puntland ee ku sugan dalka iyo dibadda, wuxuuna sheegay inay kor u qaadaan maalgashiga.
GAROWEONLINE
