Gaas oo xil kale u magacaabay Quraan Jecel

GAROWE, Puntland- Madaxweynaha Puntland Cabdiwali Maxamed Cali Gaas, ayaa xil kale u magacaabay Afhayeenkii Madaxtooyada Puntland Cabdullaahi Maxamed Jaamac (Quraan Jecel).

Digreetada Madaxweyne Gaas ayaa afhayeenka isagoo xilkiisii hore haya loo magacaabay Wasiir dowlaha Madaxtooyada iyo xiriirka gobollada Puntland.

Mas’uulkan oo mudadii uu hayay Madaxweyne Xilka ahaa Afhayeenka Xukuumadda halka xukuumadii hore uu kamid ahaa golaha Barlamanka Puntland

Hoos ka akhriso Qoraalka lagu magacaabay Quraan Jecel oo nuqul kamid ah soo gaaray Garowe Online.

Digreeto Maanta Kasoo baxday Xafiiska Madaxweynaha Dawladda Puntland Dr. Cabdiweli Maxamed Cali Gaas ayaa lagu magcaabay xeer Madaxweyne Lr.101 August 16 2017 Wasiirru Dawlaha Madaxtooyada ee Xiriirka Goleyaasha, Ahna Af-hayeenka Madaxtooyada Cabdullahi Maxamed Jaamac (Qudhaan Jecel).

Madaxweynaha Dawladda Puntland.

Markuu arkay:-                      Dastuurka dawladda Puntland.

Markuu tixgeliyey:-               Aqoontiisa iyo Khibradiisa Shaqo.

Wuxuu Xeeriyey:-

1.      Waxaa Cabdullaahi Maxamed Jaamac ( Qudhaan Jecel ) loo         magcaabay Wasiirru Dawlaha Madaxtooyada ee Xiriirka                 Goleyaasha, Ahna Af-hayeenka Madaxtooyada.

2.      Xeerkani wuxuu dhaqan gelayaa markuu Madaxweynuhu               Saxeexo, wuuna saxeexay Madaxweynuhu.

GAROWEONLINE