GAROWE: Koob dhalinyarada Cuslaatay uga Furmay Classic

Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image
Image

GAROWE, Puntland- Koob loogu talo galay in dhalinyarada Cuslaatay ee ku sugan magaalada Garowe ku madadaashaan salaadda Taraawiixda kadib ayaa xalay ka furmay magaalada Garowe caasumadda Puntland.

Tartankan oo sannadkasta uu qabto maamulka garoonka Roogga la dhigay ee Classic ayaa waxaa kalkan ku loollami doona 15 kooxood oo isugu jira dhalinyarada ku dhaqan caasumadda.

Furitaankii koobkan oo ay ka qayb galeen Wasiirro, maamullka garoonka iyo dadweyne kala duwan ayaa ujeedkiisa waxaa lagu sheegay inuu kor u qaado niyadda dhalinyarada iyo hormarka ka socda caasumadda.

Mulkiilaha garoonka Classic Axmed Jaamac Jawle oo ugu horayn ka hadlayay furitaanka kooban iyo ujeedka loo qabto ayaa sheegay inay uga golleeyihiin sidii dhalinyaradu u dhismi lahaayeen jir ahaan iyo caafimaad ah, isagoo xusay inay ku aadiyeen xilliga cibaada kadib taasoo macnaheedu tahay inaan dhalinyarada laga mashquulin inay ALLE caabudaan.

Labo kooxood oo kala matalayay hay’adda Tadamun iyo Nabaad Mall ayaa tartankan lagu daah furay, waxaana dhalinyaradaas kooxahaas ku jira ay sheegeen inay ku faraxsanyihiin islamarkaana tallaabadan muujinayso hormarka caasumadda ka jira.

Wasiirka Wasaaradda Ganacsiga Puntland, Cabdiwali Xirsi Cabdulle Indho-guran oo tartanka  Daah furay ayaa sheegay inay soo dhaweynayaan tallaabada uu sameeyay mulkiilaha Classic Axmed Jamac Jowle, isagoo ku ammaanay inuu yahay shakhsi hormar laxaad leh ka qaatay hormarinta cayaaraha Puntland.

Koobankan oo sannadkii labaad la qabanayo ayaa waxaa usoo daawasho taga dadweynaha ku dhaqan magaalada, wuxuuna socdaa bisha Ramadaan iyadoo gaba gaba loollankaas la qabto Soonka kadib.

GAROWEONLINE

Related Articles

Deni oo ku dhawaaqay inuu billowday wajiga 2aad ee dagaalka Daacish [Sawirro]

Isagoo xusay in Ciidanka bandhigga sameynayey si khaas ah loo tababaray oo ay ka qeyb qaadan doonaan wejiga labaad ee hawlgalka oo bilwomaya.

  • Puntland

    30-01-2025

  • 03:04PM

Madaxweyne Deni oo Tusaale U Noqday Dagaalka Argagixisada Soomaaliya

Tallaabadan ayaa muujinaysa taageerada ballaaran ee shacabka Puntland iyo guulaha muhiimka ah ee ay gaareen ciidamada.

  • Puntland

    29-01-2025

  • 09:16AM